Haust- og vetrardagskrá

Á haustin og veturna er daglegt líf okkar með hestunum ólíkt því sem er á sumrin. Veðurfar gerir það að verkum að ekki er hægt að ráðgera lengri hestaferðir. Við eigum hins vegar margar góðar stundir með hestunum okkar á þessum tíma. Við temjum ungu hestana og þjálfum þá sem enn þurfa meiri tamningu og gangsetningu.

Haust- og vetrardagskrá (1. október - 30. apríl)

Gestir eru svo sannarlega velkomnir í heimsókn á þessum tíma árs, rétt eins og öðrum, og ættu allir sem áhuga hafa á íslenska hestinum að finna eitthvað við sitt hæfi. Við bjóðum upp á kynningu, kennslu, stutta útreiðatúra og helgardvöl.

Barnareiðtúr

Við byrjum í reiðhöllinni og ríðum þaðan eftir þægilegum reiðgötum í nágrenni Kálfholts. Foreldrar eru velkomnir með, ýmist gangandi eða ríðandi. Einhver verður jú að taka myndir! Börn sem hafa farið á reiðnámskeið eða eru hestvön ríða ein en teymt er undir þeim reynsluminni. Á eftir fá börnin að kemba hestunum og hver veit nema kötturinn Hallgerður Loppa og hundurinn Embla séu líka heimavið.

Tími:
40 mín.
Þar af á hestbaki:
30 mín.
Reiðfærni:
Fyrir byrjendur
Verð:
3.900 kr.
Bókanir og fyrirspurnir: kalfholt@kalfholt.is | 487-5176
Loading...

Byrjendareiðtúr

Kjörinn reiðtúr fyrir byrjendur og einstakt tækifæri til að kynnast eiginleikum íslenska hestsins. Við ríðum eftir þægilegum reiðgötum í næsta nágrenni við Kálfholt og förum fetið. Gangi vel látum við hestana kasta toppi og  ríðum tölt ef þannig liggur á okkur.  

Tími:
60 mín.
Þar af á hestbaki:
50 mín.
Reiðfærni:
Fyrir byrjendur
Verð:
8.000 kr.
Bókanir og fyrirspurnir: kalfholt@kalfholt.is | 487-5176
Loading...

Reiðtúr fyrir lítið vana jafnt sem vana reiðmenn

Við ríðum á hægu tölti frá Kálfholti með bökkum Þjórsár. Fögur fjallasýn, niður árinnar, hryssurnar, stóðhestarnir og folöldin leikandi allt í kring – allt spilar þetta saman og gerir upplifunina ógleymanlega. Að reiðtúr loknum er boðið upp á heimabakað góðgæti.

Tími:
2 klst.
Þar af á hestbaki:
1 klst. og 40 min.
Reiðfærni:
Lítið vanir / Vanir reiðmenn
Verð:
10.000 kr.
Bókanir og fyrirspurnir: kalfholt@kalfholt.is | 487-5176
Loading...

Vetrarheimsókn fyrir einstaklinga og hópa

Byrjað er á kynningu þar sem gestgjafar segja í stuttu máli frá lífi sínu með íslenska hestinum árið um kring. Sagt er frá ganghæfileikum íslenska hestsins og sérstök áhersla lögð á tölt. Að kynningu lokinni er farið í um hálftíma reiðtúr í næsta nágrenni við Kálfholt fyrir þá sem vilja. Að því loknu bjóðum við upp á rjúkandi heitt súkkulaði, kaffi og heimabakað góðgæti.

Tími:
60 mín.
Þar af á hestbaki:
30 mín.
Reiðfærni:
Fyrir byrjendur og lengra komna
Verð:
7.500 kr.
Bókanir og fyrirspurnir: kalfholt@kalfholt.is | 487-5176
Loading...

Töltkennsla og reiðtúr

Í þessari tveggja tíma heimsókn er gestum sagt til um hvernig á að ríða hesti til gangs. Þar er lögð áhersla á að gestir upplifi hina sérstöku gangtegund íslenska hestsins, tölt. Við byrjum inni í reiðhöll og síðan er farið í reiðtúr í nágrenni Kálfholts.

Tími:
2 klst.
Þar af á hestbaki:
1 klst. og 40 mín.
Reiðfærni:
Fyrir nokkuð vana knapa
Verð:
10.500 kr.
Bókanir og fyrirspurnir: kalfholt@kalfholt.is | 487-5176
Loading...